Ek het vanoggend die kinders by die skool afgelaai en toe 'n draai gaan maak by die Tygerberg Natuur Reservaat. Ek was baie lanklaas daar en daar was gedeeltes van die reservaat wat ek nog nooit verken het nie. Ek het 'n Swerfvalk en 'n paar ander spesies daar gesien, wat ek nog nie voorheen daar gesien het nie, maar dan weer was ek nog nie baie daar nie. Ek het ook 'n roofvoël gesien wat baie na aan 'n Rooibors Sperwer vir my op die foto lyk. Ek gaan more oggend weer soontoe.